К сожалению, каждому из нас время от времени приходится сталкиваться с таким неприятным и выбивающим из колеи явлением, как болезнь близкого человека. Верующий человек в этом случае, помимо обеспечения квалифицированной медицинской помощи, обязательно постарается помочь больному и поддержать его дух чтением канонов, акафистов и молитв. Вполне естественно то, что молитвы мы стараемся выбирать самые сильные, текст которых сугубо подчеркивает наше обращение к Богу с просьбой даровать здоровье тому, кого мы любим. В числе прочих таких молитв особенно выделяется церковный Канон за болящего – православный гимн, который можно читать как в храме, так и дома. Чтение молитв о здравии обладает особенной силой, и случаи исцеления болящих по молитвам их родных неоднократно подтверждали это.

Болезни пришли в нашу земную жизнь после изгнания наших прародителей из Рая вследствие совершенного ими грехопадения. И до тех пор, пока не будут созданы новое небо и новая земля, где воцарится вечноблаженная радость жизни со Христом Богом, болезни будут постоянными спутниками человека.

Болезни попускаются Богом с разными целями: одному — как венец славы, другому — как наказание за грех, третьему — во вразумление. Но во всех случаях болезнь есть знак посещения Божия, проявление заботы Его о падшем человеке. Воля Божия всегда направлена к тому, чтобы все люди спаслись и достигли познания истины (1 Тим. 2:4). Поэтому, если цель, с
которой попущено данному человеку страдание от болезни своей или ближнего, достигнута, то Господь может исцелить болящего.

Христианин во всех обстоятельствах своей жизни должен научиться понимать, для какой цели Господь допускает доброе или злое в его жизни. Это относится и к болезни. Нужно правильно отыскивать в себе духовную причину, по которой Господь допускает иметь нам те или иные телесные страдания. Господь есть бесконечно любящий нас Отец Небесный, и Он не хочет, чтобы Его дети подвергались болезням и другим страданиям. Но любвеобильный Бог знает, что болезни часто являются хорошим врачеванием грехов, и поэтому ради вечного нашего блага Он допускает болезни.

Священное Писание указывает на ряд примеров, как мужи Божии подвергались болезням. Так, например, Исаак, сын Авраама и праотец Христа, был много лет слепым; пророк Елисей заболел болезнью, «от которой умер» (4 Цар. 13:14); пророк Даниил болел несколько дней (Дан. 8:27); Лазарь, друг Христа, заболел, и Спаситель сказал, что эта болезнь «к славе Божией» (Иоан. 11:4); Тимофей, сотрудник и спутник апостола Павла, страдал болезнью желудка (1 Тим. 5:23).

Мы часто думаем, что если долго молиться, да еще какими-нибудь особенно
сильными молитвами, то Господь смилуется над нами и подаст исцеление. Не в многословии своем мы будем услышаны, но только тогда, когда принесем в результате долгой молитвы те плоды, которых ждет от нас Господь и для возвращения которых нам попустил болезнь. Поэтому нам надо не с отчаянием и унынием воспринимать всякое заболевание, но с верой в то, что это нужно для нашего спасения. Будем всегда просить Господа, чтобы Он помог нам это понять, чтобы нам не противиться воле Божией, но познавать ее, следовать ей, тем самым приближая исцеление — сначала души, а потом и тела.

Чтение канонов полезно потому, что успокаивает больного и дарует ему надежду на скорейшее исцеление. Даже если мысли витают далеко, нужно найти в себе силы и хотя бы механически приступить к чтению канонов и молитв, и слова, веками дарующие утешение всем, кто их произносил, непременно окажут свое благотворное воздействие и на Вас.

Канон за болящего, глас 3-йПеснь 1

Ирмо́с: Пределя́ему мо́ре жезло́м дре́вле, Изра́иль про́йде я́ко по пусты́ни, я́ко Креста́ о́браз я́ве претворя́ше стезю́, сего́ ра́ди воспое́м во хвале́нии, чу́дному Бо́гу на́шему, я́ко просла́вися.

Припев: Ми́лостиве Го́споди, услы́ши моли́тву раб Свои́х, моля́щихся Тебе́ (поклон).

В день печа́ли, наше́дшия на ны, к Тебе́, Христе́ Спа́се, припа́дающе, Твоея́ ми́лости про́сим, облегчи́ боле́знь ра(бы́)ба́ Тво(ея́)его́, изорцы́ нам я́ко и со́тнику: иди́, се здрав есть о́трок твой.

Припев: Ми́лостиве Го́споди, услы́ши моли́тву раб Свои́х, моля́щихся Тебе́ (поклон).

Мольбы́ и моле́ния, с воздыха́нием к Тебе́ вопие́м, Сы́не Бо́жии, поми́луй нас, воздви́гни со одра́ лежа́щ(ую)аго, я́ко осла́бленнаго сло́вом: возьми́ одр свой, глаго́ля, отпуща́юттися греси́ твои́.

Слава:Твоего́ Христе́ о́браза подо́бию поклоня́ющеся (поклон), ве́рою целу́ем, и боля́щ(ей)ему здра́вия про́сим, подража́юще кровоточи́вей, я́же подо́лце риз Ти косну́ся, и исцеле́ние неду́га прия́т.

И ны́не:Пречи́стая Госпоже́ Богоро́дице, всем изве́стная Помо́щница, не пре́зри нас, к Тебе́ припа́дающих, моли́ я́ко Блага́, Своего́ Сы́на и Бо́га на́шего, да́ти здра́вие боля́щ(ей)ему, да Тя с на́ми прославля́ет.

Катавасия: Сохрани́ от скорби, от боле́зни, от неду́га тя́жкаго раб(у́)а́ Сво(ю́)его́ (имя рек) боля́щ(ую)аго Ми́лостиве, я́ко усе́рдно к Тебе́ прибега́ем, к Ми́лостивому Изба́вителю и всех Влады́це, Го́споду Ису́су (поклон).

Го́споди, поми́луй (трижды, с поклонами).

Песнь 3

Ирмо́с: И́же от не су́щих вся приведы́и, Сло́вом созида́ема, соверша́ема же Ду́хом, Вседержи́телю Вы́шнии, в любви́ Свое́й утверди́ мене́.

Припев: Ми́лостиве Го́споди, услы́ши моли́тву раб Свои́х, моля́щихся Тебе́ (поклон).

И́же от тя́жких боле́зней на земли́ пове́рже(на)н, к Тебе́ Христе́, с на́ми вопие́т, пода́ждь здра́вие телеси́ (ея́) его́, я́ко же Иезеки́и плака́вшуся к Тебе́.

Припев: Ми́лостиве Го́споди, услы́ши моли́тву раб Свои́х, моля́щихся Тебе́ (поклон).

При́зри Го́споди, на на́ше смире́ние и не помяни́ беззако́нии на́ших, но ве́ры ра́ди боля́щ(ия)аго, я́ко прокаже́ннаго, сло́вом исцели́ (ей)ему́ боле́знь, да Твое́, Христе́ Бо́же, сла́вится и́мя.

Слава:Це́рковь ю́же еси́ освяти́л, на ту Христе́ не даждь поно́са, но воздви́гни неви́димо в неду́зе на одре́ лежа́щ(ую)аго, в не́йжетися мо́лят; да не реку́т неве́рнии: где есть Бог их?

И ны́не:К Твоему́ Пречи́стому Богоро́дице, о́бразу ру́це возде́юще, вопие́м: услы́ши раб Твои́х моли́тву и спаси́ в боле́зни лежа́щ(ую)аго, да от боле́зни воста́в(ши), возда́ст обе́ты, я́же в печа́ли глаго́лаша уста́ (ея́) его́.

Катавасия: Сохрани́ от скорби, от боле́зни, от неду́га тя́жкаго раб(у́)а́ Сво(ю́)его́ (имя рек) боля́щ(ую)аго Ми́лостиве, я́ко усе́рдно к Тебе́ прибега́ем, к Ми́лостивому Изба́вителю и всех Влады́це, Го́споду Ису́су (поклон).

Го́споди, поми́луй (трижды, с поклонами).

Седален, глас 8-й

На одре́ грехо́внем лежа́щ(у)а мя, и страстьми́ уя́зве(ну)на, и я́коже воздви́же Петро́ву те́щу, и спасе́ разсла́бленаго носи́ма со одро́м; та́ко и ны́не посети́ Ми́лостиве, боля́щ(ую)аго, понесы́и неду́ги ро́да на́шего, Тебе́ еди́наго све́мы, терпели́ва и ми́лосердца, ми́лостива Врача́ душа́м и те́лом, Христа́ Бо́га на́шего, наводя́ща неду́ги, и па́ки исцеля́юща, подава́юща проще́ние ка́ющимся о согреше́ниих, еди́наго Милосе́рдаго и Ми́лостиваго.

Слава:Аз гре́шн(ая)ыи пла́чуся, на одре́ свое́м слежа́(щи), просты́ню ми пода́ждь, Христе́ Бо́же, и от боле́зни сея́ воздви́гни мя; я́же есмь от ю́ности грехи́ сотвори́л(а), избы́ти ми моли́твами Богоро́дицы сих да́руй.

И ны́не:Умилосе́рдися и спаси́ мя, воздви́гни мя от одра́ боле́зненнаго, мощь бо моя́ во мне изнемо́же, и весь(вся) неча́янием одержи́(ма)мь есмь, Ма́ти Бо́жия Пречи́стая, исцели́ неду́гующ(у)а лю́те, Ты бо еси́ Помо́щница христия́ном.

Песнь 4

Ирмо́с: Положи́ к нам тве́рдую любо́вь Си Го́споди, единоро́днаго бо Ти Сы́на, нас ра́ди на́ смерть вдал еси́, те́мже Ти вопие́м, восхваля́юще: сла́ва си́ле Твое́й.

Припев: Ми́лостиве Го́споди, услы́ши моли́тву раб Свои́х, моля́щихся Тебе́ (поклон).

У́же отча́янн(у)а лю́тым неду́гом, и к сме́рти прибли́живш(уся)ася, возврати́, Христе́ на живо́т и даждь пла́чущимся уте́ху, да вси прославля́ем Твоя́ свята́я чудеса́.

Припев: Ми́лостиве Го́споди, услы́ши моли́тву раб Свои́х, моля́щихся Тебе́ (поклон).

К Тебе́ Тво́рче, ка́емся свои́х грех, я́ко не хо́щеши сме́рти гре́шничи; оживи́, уздра́ви боля́щ(ую)аго, да воста́в(ши) послу́жит Ти, испове́дая с на́ми Твою́ бла́гость.

Слава:Сле́зы Манаси́ины, ниневи́тян покая́ние, Давы́дово испове́дание прии́м, вско́ре спасл еси́; и на́ша моли́твы ны́не приими́, даждь здра́вие боля́щ(ей)ему, о не(й)м же Тя мо́лим.

И ны́не:Пода́ждь нам Твою́ ми́лость, Госпоже́, всегда на Тя наде́ющимся, испроси́ здра́вие боля́щ(ей)ему, враче́внеи Твои́ ру́це с Предоте́чею Богоро́дице, ко́ Господу простира́ющи.

Катавасия: Сохрани́ от скорби, от боле́зни, от неду́га тя́жкаго раб(у́)а́ Сво(ю́)его́ (имя рек) боля́щ(ую)аго Ми́лостиве, я́ко усе́рдно к Тебе́ прибега́ем, к Ми́лостивому Изба́вителю и всех Влады́це, Го́споду Ису́су (поклон).

Го́споди, поми́луй (трижды, с поклонами).

Песнь 5

Ирмо́с: На земли́ Неви́димыи яви́ся, и с земны́ми во́лею поживе́ Непости́жимыи; и к Тебе́ у́треннююще, воспева́ем Тя, Человеколю́бче.

Припев: Ми́лостиве Го́споди, услы́ши моли́тву раб Свои́х, моля́щихся Тебе́ (поклон).

Дщерь Иаи́рову у́же уме́ршу, я́ко Бог оживи́л еси́; и ны́не возведи́, Христе́ Бо́же, от врат сме́ртных боля́щ(ую)аго, Ты бо еси́ путь и живо́т всем.

Припев: Ми́лостиве Го́споди, услы́ши моли́тву раб Свои́х, моля́щихся Тебе́ (поклон).

Сы́на вдови́ча оживи́в Спа́се, и тоя́ сле́зы преложи́в на ра́дость; спаси́ от неду́га тле́ющ(ую)аго ра(бу́)ба́ Си, да и на́ша скорбь и боле́знь на ра́дость пре́йдет.

Слава:О́гненную боле́знь те́щи Петро́ве прикоснове́нием Твои́м исцели́в; ны́не воста́ви боля́щ(ую)аго ра(бу́)ба́ Ти, да воста́в(ши), я́ко и она́, послу́жит Ти.

И ны́не:Ско́рбнии, смире́нии, гре́шнии, не иму́щии дерзнове́ния, к Тебе́, Пречи́стая Богома́ти, вопие́м: умоли́ Сы́на Своего́ Христа́, да́ти боля́щ(ей)ему здра́вие телеси́.

Катавасия: Сохрани́ от скорби, от боле́зни, от неду́га тя́жкаго раб(у́)а́ Сво(ю́)его́ (имя рек) боля́щ(ую)аго Ми́лостиве, я́ко усе́рдно к Тебе́ прибега́ем, к Ми́лостивому Изба́вителю и всех Влады́це, Го́споду Ису́су (поклон).

Го́споди, поми́луй (трижды, с поклонами).

Песнь 6

Ирмо́с: Бе́здна после́дняя грехо́в обы́де мя, и исчеза́ет дух мой, но просте́р Влады́ко высо́кую Си мы́шцу, я́ко Петра́ мя, Упра́вителю спаси́.

Припев: Ми́лостиве Го́споди, услы́ши моли́тву раб Свои́х, моля́щихся Тебе́ (поклон).

Бе́здну милосе́рдия и ми́лости име́я, Христе́ Бо́же, внуши́ моле́ния раб Твои́х, Ты бо еси́ Петро́м Тави́фу воскреси́в; Ты и ны́не в боле́зни лежа́щ(ую)аго воздви́гни, послу́шав церко́вных моли́твенник.

Припев: Ми́лостиве Го́споди, услы́ши моли́тву раб Свои́х, моля́щихся Тебе́ (поклон).

Врачу́ душа́м и те́лом на́шим, понесы́и неду́ги всего́ ми́ра Христе́, и Ене́я Па́влом исцели́выи; Ты и ны́не боля́щ(ую)аго исцели́, святы́х апо́стол моли́твами.

Слава:Преложи́ Христе́, на ра́дость рыда́ние, о неду́жн(ей)ем скорбя́щ(ей)ем, да Твою́ получи́вше ми́лость, вни́дут в дом Твой, со обе́тными дарми́, сла́вяще Тя в Тро́ице Еди́наго Бо́га.

И ны́не:Прииди́те О! дру́зи, поклони́мся (поклон), моля́щеся о боля́щ(ей)ем, Божи́и Ма́тери; Та бо имее́т власть неду́жныя исцеля́ти со безме́здникома вку́пе, духо́вным неви́димо пома́зающи ма́слом.

Катавасия: Сохрани́ от скорби, от боле́зни, от неду́га тя́жкаго раб(у́)а́ Сво(ю́)его́ (имя рек) боля́щ(ую)аго Ми́лостиве, я́ко усе́рдно к Тебе́ прибега́ем, к Ми́лостивому Изба́вителю и всех Влады́це, Го́споду Ису́су (поклон).

Го́споди, поми́луй (трижды, с поклонами).

Слава, и ныне.

Кондак, глас 3-й

Ду́шу мою́ Го́споди, во гресе́х вся́ческих, безме́стными дея́ньми лю́те разсла́бленну, воздви́гни боже́ственным Си человеколю́бием, я́коже и разсла́бленнаго воздви́гнул еси́ дре́вле; я́ко да зову́ Ти спаса́ем, Щедрый: даждь ми Христе́, исцеле́ние.

Икос

Иже руки Своей горстию содержай концы, Иисусе Боже, Иже Отцу собезначальный и Духу Святому совладычествуя, яко плотию явился еси недуги исцеляя и страсти очистил еси, слепыя просветил еси, и разслабленнаго словом Божественным совоставил еси, сего право ходяща сотворив и одр повелел еси на раму взяти. Темже вси с ним воспеваем и поем: щедре Христе, даждь ми иcцеление.

Песнь 7

Ирмо́с: Пре́жде о́бразу злато́му, перси́дскому чти́лищу о́троцы не поклони́шася, трие́ пою́ще посреде́ пе́щи: отце́в Бо́же, благослове́н еси́.

Припев: Ми́лостиве Го́споди, услы́ши моли́тву раб Свои́х, моля́щихся Тебе́ (поклон).

Кресту:О Кре́сте пресвяты́й Христо́в, честно́е дре́во живо́тное, тобо́ю смерть поги́бе, и ме́ртвни воскресо́ша, и ны́не боля́щ(ую)аго исцели́ и оживи́, я́коже при Еле́не уме́ршую деви́цу.

Припев: Ми́лостиве Го́споди, услы́ши моли́тву раб Свои́х, моля́щихся Тебе́ (поклон).

До́лгую и лю́тую боле́знь И́овлю на гно́ищи и в че́рвех, того́ моля́щася сло́вом исцели́л еси́, Го́споди; ны́не же в це́ркви о боля́щ(ей)ем моли́м Тя: я́ко Благ, исцели́ неви́димо моли́твами святы́х Твои́х.

Слава:Вси све́мы я́ко у́мрети нам есть, Тебе́ Бо́гу, та́ко изво́льшу; но на ма́ло вре́мя Ми́лостиве, здра́вия про́сим боля́щ(ей)ему, премени́ от сме́рти на живо́т, даждь скорбя́щим уте́ху.

И ны́не:Посо́бствуй и помога́й на́шему сиро́тству Богоро́дице, Ты бо ве́си вре́мя и час, когда́ умоли́ти Сы́на Своего́ и Бо́га на́шего, да́ти боля́щ(ей)ему здра́вие и проще́ние от всех грех.

Катавасия: Сохрани́ от скорби, от боле́зни, от неду́га тя́жкаго раб(у́)а́ Сво(ю́)его́ (имя рек) боля́щ(ую)аго Ми́лостиве, я́ко усе́рдно к Тебе́ прибега́ем, к Ми́лостивому Изба́вителю и всех Влады́це, Го́споду Ису́су (поклон).

Го́споди, поми́луй (трижды, с поклонами).

Песнь 8

Ирмо́с: Служи́ти Живо́му Бо́гу, в Вавило́не о́троцы прете́рпевше, о мусики́йских орга́нех неради́ша, и посреде́ пла́мене стоя́ще, боголе́пную песнь воспева́ху, глаго́люще: благослови́те вся дела́ Госпо́дня Го́спода.

Припев: Ми́лостиве Го́споди, услы́ши моли́тву раб Свои́х, моля́щихся Тебе́ (поклон).

Ми́лость покажи́, Влады́ко, боле́знию ра(бу́)ба́ Тво(ю́)его́, и ско́ро исцели́, Ми́лостиве Христе́ Бо́же, и еще́ сме́рти не преда́ждь су́дней, да Ти покая́ние возда́ст; Сам бо рекл еси́: не хощу́ сме́рти гре́шничи.

Припев: Ми́лостиве Го́споди, услы́ши моли́тву раб Свои́х, моля́щихся Тебе́ (поклон).

Го́споди Ми́лостиве, Твоя́ пресла́вная чудеса́, да и до нас ны́не дости́гнут; бе́сы прожени́, неду́ги погуби́, ра́ны исцели́, боле́зни уврачу́й, и потво́ры и чародея́ния, и вся́коя я́зи изба́ви ны.

Слава:Запрети́вый Христе́ морски́м ве́тром, и страх учени́к на ра́дость преложи́; запрети́ и ны́не тя́жким боле́знем, тружа́ющим ра(бу́)ба́ Тво(ю́)его́, да вси возвесели́мся, хва́ляще Тя во́ веки.

И ны́не:Изба́ви Богоро́дице, от обыше́дших ны печа́лей, бед же и скорбе́й, и всех разли́чных неду́г, отра́вы же и чароде́йства, и бесо́вскаго мечта́ния, и от уро́ка злых челове́к, и напра́сныя сме́рти, молимся.

Катавасия: Сохрани́ от скорби, от боле́зни, от неду́га тя́жкаго раб(у́)а́ Сво(ю́)его́ (имя рек) боля́щ(ую)аго Ми́лостиве, я́ко усе́рдно к Тебе́ прибега́ем, к Ми́лостивому Изба́вителю и всех Влады́це, Го́споду Ису́су (поклон).

Го́споди, поми́луй (трижды, с поклонами).

Песнь 9

Ирмо́с: На Сина́стей горе́ ви́де Тя в купине́ Моисе́й неопа́льну, огнь Боже́ственныи заче́ншу во́ чреве; Дании́л же Тя ви́де, го́ру непресе́чену; жезл прозя́бшии, Иса́ия взыва́ше, от ко́рене Давы́дова.

Припев: Ми́лостиве Го́споди, услы́ши моли́тву раб Свои́х, моля́щихся Тебе́ (поклон).

Исто́чниче жи́зни, пода́телю Христе́ ми́лости, не отврати́ лица́ Твоего́ от нас, облегчи́ боле́знь утруже́н(ой)ому боле́знию, и воздви́гни я́ко Фадде́ом А́вгаря, да при́сно Тебе́ сла́вит, со Отце́м и Святы́м Ду́хом.

Припев: Ми́лостиве Го́споди, услы́ши моли́тву раб Свои́х, моля́щихся Тебе́ (поклон).

Ева́нгельскому ве́рующе гла́су, Твоего́ и́щем обе́та Христе́, проси́те бо рече́, и да́стся вам; тем ны́не предстоя́ще мо́лим Тя: воста́ви со одра́ здра́в(у)а, лю́тым пове́ржен(у)а неду́гом, да Тя с на́ми вку́пе велича́ет.

Слава:Му́чим(ая)ыи неду́гом, внутрь неви́димыми ра́нами, Тебе́ Христе́, с на́ми вопие́т; не нам Го́споди, ни нас ра́ди, вси бо есмы́ испо́лнени грехо́в, но Ма́терними Ти и Предоте́чевыми моли́твами даждь исцеле́ние боля́щ(ей)ему, да Тя вси возвели́чим.

И ны́не:Бо́жия Ма́ти Пречи́стая, со все́ми святы́ми призыва́ем Тя, со а́нгелы и арха́нгелы, с проро́ки и патриа́рхи, со апо́столы и святи́тели, с преподо́бными и пра́ведными, моли́тися Христу́ Бо́гу на́шему да́ти здра́вие боля́щ(ей)ему, да Тя вси велича́ем.

Катавасия: Сохрани́ от скорби, от боле́зни, от неду́га тя́жкаго раб(у́)а́ Сво(ю́)его́ (имя рек) боля́щ(ую)аго Ми́лостиве, я́ко усе́рдно к Тебе́ прибега́ем, к Ми́лостивому Изба́вителю и всех Влады́це, Го́споду Ису́су (поклон).

Го́споди, поми́луй (трижды, с поклонами).

Молитва

Бо́же си́льный, ми́лостию стро́яй вся, на спасе́ние ро́ду челове́ческому, посети́ ра(бу́)ба́ Сво(ю́)его́ (сию́)сего́ (и́мя рек), нарица́ю(щу)ща и́мя Христа́ Твоего́, исцели́ его́ от вся́каго неду́га плотска́го и душе́внаго, и отпусти́ грех, и грехо́вныя собла́зны, и вся́ку напа́сть, и вся́кое наше́ствие неприя́зненно, дале́че сотвори́ от ра(бы́)ба́ Тво(ея́)его́, и воздви́гни от одра́ грехо́внаго, и устро́й его́ во святу́ю Твою́ це́рковь, здра́ва душе́ю и те́лом, и де́лы до́брыми сла́вящ(у)аго со все́ми людьми́ и́мя Христа́ Твоего́, я́ко Тебе́ сла́ву возсыла́ем, со безнача́льным Ти Сы́ном и со Святы́м Ду́хом, ны́не и при́сно и во́ веки веко́м, Ами́нь (поклон земной).